Komishanka Doorashooyinka Oo Ka Jawaabay Cabashooyinka Kasoo Yeedhaya Qaar Ka Mida Ururada

Hargeysa (OWN)- Guddoomiyaha Gudida doorashooyinka  Somaliland Ciise Yuusuf Xamari  oo maanta warbaahinta kula  hadlay xarunta  Komishanku ay ku leeyihiin magaalada  Hargaysa, ayaa waxaana uu sheegay  in doorashadii Golayaasha degaanaku dalka uuga  qabsoontay  si nabad galyo ah  isla markaana u dhacday si xor iyo xalaala.

 

Gudoomiye Ciise xamari waxa uu sheegay  in ay jirto  meelo  cabashooyinka loo gudbiyo , natiijooyinka hordhaca ahna ay ku dhawaaqayaan komishanka degmooyinku .

 

Gudoomiya  komishanku  waxa kale oo intaasi  ku daray in  go’aanka  doorashadu aanu ku koobnayn  xarunta guud ee komishanka oo qudha, laakiin natiijooyinka hordhaca ah  ay ku dhawaaqayaan gudiyada  Degmooyinka halka ay  guddida sare  ay leedahay go’aanka kama danbaysta ah.

 

Sidoo kale guddoomiyuhu mar kuu ka hadlaayey  cabashooyinka ka soo yeedhaya  qar kamida ururada waxa uu  shaagay in dastuurku dalkani u yaalaa uu dhigayo  habka loo marayo, Dacwadahana loo gudbin karro  Maxkamadaha heer Gobol marka la gaadho todobada maalmood  ee ka danbeeya maalinta lagu dhawaaqo doorashada kama danbaysta ah.

Oodweynenews.com

Hargaysa Office