Natiijadii Ay Maxakamaddu Dib Ugu Celisay Komishanka Oo Khilaaf Ka Dhex Abuurtay Komishanka

Hargeysa (OWN)- Natiijadii ay maxakamadda degmada Hargeysa ay dib ugu  celisay komishanka doorashooyinka ee ay ku  ku gacan-saydhay in ay  iyadu dib u eegid ku samayso natiijadii ay komishanku hore uga soo saareen codbixintii doorashada ee degmada Hargeysa  ee ay maxakadda u soo gudbiyeen ayaa waxa ay khilaaf ka dhex abuurtay xubnaha   komishanka .

 

 Sida ay ilo xog-ogaal ahi u sheegeen Oodweynenews   waxa  uu arrinkani khilaaf ka dhex dhaliyey  guddoomiyaha guddida doorashooyinka Ciise Yuusuf Xamari iyo ku-xigeenkiisa Cali Khadar Xasan Cismaan ( Cali-kubad) khilaaf kaas oo salka ku haya guddoomiye Ciise Xamari oo doonaya  in ay iyagu  guddi ahaan ay dib u tiriyaan  iyo ku-xigeenkiisa oo soo jeediyey in ay sidii hore ugu dhawaaqaan natiijadna  sideedii  hore, taas oo khilaaf xoogan ka dhex aloostay labadan masuul.

 

Markii uu soo ifbaxay  khilaafkan  u dhexeeya   guddoomiyaha iyo ku-xigeenkiisa  oo markii hore la sheegay in uu gudoomiye Xamari Uu xilka iska calisay ayaa haddana waxa la sheegay in uu yahay uun khilaafkaa u dhexeeya   isaga iyo ku-xigeenkiisa Cali-kubad ee aanay jirin cid xilka iska casishay .

 

Arrinkan ayaa waxa uu dhallin karaa muran xoogan oo sii xididaysta  oo u dhexeeya komishanka iyo ururada  iyagu hore uga cabanayaayey natiijada  doorashada.

 

Oodweynenews.com,Hargeysa Office