Gudoomiyaha Dhalinyarada Qurba Jooga Ee Xisbiga UCID Xuseen Cabdi Dahir oo u Hambalyeeyey Xisbiga Ucid & Madaxdiisa Munaasibada Soo Bixitaanka Xisbiga

ASCWRWB

Marka hore waxaan hambalyo iyo bogaadinba u dirayaa guud ahaanba shacabka reer Somaliland ,sida xilkasnimada iyo wadaninimada leh ee ay uguteen waajib qarameedkii ka saarnaa doorashooyinkii gollayaasha deegaanka iyo sida nabadgalyadu ku dheehantahay ee ay codkooda u dhiibteen, taasoo markale muujinaysa sida ay bulshadu ugu bislaatay dimuqraadiyada iyo hirgelinta himiladood.

Waxaan sidoo kale uhambalyaynayaa Xisbiga  UCID iyo guud ahaanba hawlwadeenadiisa dedaalka badan ugalay inuu xisbigu markale guuleysto ,anigoo hogaanka sare ee xisbiga Md Faysal Cali Waraabe Iyo Jamaal Cali Xuseenba ku ammaanaya sida masuuliyada iyo furfuraanta leh ee ay xisbigan ugu hagarbaxeen .iyo dadka reer somalilandba

Haddii aan usoo dego ujeedada qoraalkayga ,waxaan shaki kujirin in shucuubta reer Somaliland ay maanta isku raacsanyihiin in wixii wadanka ka dhacay aan lagu tilmaami karin doorasho ,balse uu ahaa boob iyo musuqmaasuq badheedh ah oo dhaawacday hannaanka geedi socodka Somaliland ,Waxaanan aaminsanahay haddii aysan shacabka reer somaliland ahayn dad indheergarad ah ay dhacdadan curyaamin lahayd islamarkaana dhantaali lahayd wadajirkooda iyo nabad galyada dalka .

Balse faa´idada ugu wayn ee aynu maanta hayno ayaa ah inaynu baranay xaqiiqada dhabta ah ee xisbiga talada haya iyo hogaanka aynu ku aaminay hogaaminta dalkeena ,maanta waxaynu baranay oo aynu ogaanay massuuliyiinta dalka maamulaya waxay yihiin ,macangagnimada iyo xoog isticmaalida diktaytarnimada ah ee Siilaanyo iyo sida uu dhagaha uga furaystay shacabkii shalay doortay .

Waxaynu ognahay markaynu taariikhda dib umilicsano in nimanka talada dalka haya iyo inta horboodaysaba inay yihiin kuwii curyaamiyay islamarkaana kala dhantaalay Ururkii SNM.

Haddii uu aabihii Somaliland Marxuum maxamed xaaji Ibraahim Cigaal ku tuhmayay garaad iyo maskax xaqiiqdii hadhaagii Siilaanyo ee dalka qasayay Hubka kama aanu dhigeen.

Waxaan shacabka Degmada Axmed Dhagax iyo  reer borame iyo guud ahaanb ka tacsiyadeynayaa gumaadkii iyo xassuuqii lagula kacay ,annagoo ka xun in bulshada loo isticmaalo ciidaankeedii difaacii lahaa ,waana arin muujinaysa falalka ay wadaagaan Siyaad Barre iyo Siilaanyo ,Waxaanu ogsoonahay in Xisbiga Xaqsoor aanu ku hadhin caddaalad ee loogu talo galay inuu hadho ,Sidoo kale dhacdooyinka Gobolka Awdal iyo Salal markhaati waxaanu ka nahay in xukuumadu farogelin ku hayso dalkoo dhana iyadu qasayso ,

Haddaba iyadoo la dhowrayo wallaaltinimada ,wadajir iyo wanaaga dadka reer somaliland ,waxaan ugu baaqayaa dhammaanba qaybaha kala duwan ee bulshada reer Somaliland inay nabad galyadooda iyo ammaanka qarankooda ilaashadaan ,isku duubni iyo wadajirna uga baxaan marxaladan adag mar danbena aysan u ilduufin hogaamiye dhiigood xalaashada ,markay codkooda siiyaana dhagaha ka furaysta siduu doonana ka yeela.

Waxaa loo baahanyahay in lagu tusaale iyo talo qaato waxa dhacay lana doorto mustaqbalka hogaamiye aan loo eegin qoys iyo reer oo loo eego karti iyo daacadnimo ,shaqo u abuura dhalinta jaamacadaha ka baxay ee suuqyada tuban ,iskuna haya guud ahaan shacabka wallaalaha ah ee dalkan udhashay.

Waxaan hadalkayga kusoo gunaanadayaa tixdan gaaban

Magacaa be doqoneey

Goortay murgacatee

Mataanaja la jebiyay

Miyir yeelataayoo

Inta hore war moogiyo

Wmid halowsan weeyaan

Maamuus nimaan geyin

Waataad masuuliyo

Madax aad ka dhigatee

Maxaad maanta dhaxasheen ?

Manaxaano weeye

Sow maatadeenii

Mid gumaada may noqon ?

Mid mid dhaama malahee

Musuqmaasuq iyo boob

Sow maanta may falin ?

Magacii dalkeeniyo

Nabadii macaanayd

Meel sow ugama dhicin ?

Maalkii dadwaynaha

Sow maysan wada cunin?

Mar ku dage Allaa dagi

Mar labaadse adigaa

Ka Masuula shacabyahoow

Waxa maanta kugu dhacay

Waa meel wax kuuyaal

Mid kaloo ku gowraca

Bari haw mashxaradine

Miyir iyo hubsiimiyo

Maskax ugu codee ruux

Samo idinku maamula

 

Sida iyo asw.