Shirkado Qaad Keena Oo Maalintii 2aad Cashuurtii Ay Ku Bixin Jireen Kala-baydh U Wareejiyey Balligubadle

Hargeysa (OWN)- Qaar Ka tirsan Shirkaddaha  jaadka keena  ayaa waxay la sheegay in ay maalintii 2aad   jaadkoodii ku cahuurayaan   kastamka Balli-gubadle halkii ay markii hore  cashuurta laga qaadi jiray kastamka Kala-baydh.

shirkaddahan ayaa waxay ka cadhoodeen sida la sheegay cashuur la kordhiyey  taasi oo lagu ansixiyey  miisaaniyadda sannadka 2013-ka taasi oo ah in $1kii dollar  ay dawladda ku sarifato  4500 oo Somliland shillin ah halka ay markii hore ahaan jirtay 4000 oo Somaliland ah  taasi oo ay   ku korodhay lacag ah 500 oo Somaliland shillin ah .

 magaalada Balli-gubadle ee gobolka Hawd ayaa la sheegay in  ay gaadheen saraakiil ka tirsan  wasaaradda maaliyadda  kuwaasi oo hubinaaya in cashuurta  kastamka Balli-gubadle lagaga qaadayo  baabuurta jaadka in ay ka badan tahay tii markii hore lagaga qaadi jiray kastamka Kala-baydh.

 waxaana xusid mudan in aanay ahayn markii ugu horaysay ee cashuur la  kordhiyey ay cabashooyin ka soo celiyeen shirkadda qaadku walaw aanay cashuurtani si gaar ah u taabanahaynin shirkaddahan oo kaliya.

OOdweynenews.co,Hargeysa Office.