“ Warkaa Ka Soo Baxay Dawladda Ingiriisku War-farxadeed Muuhayn , Waxaanu Ka Soo Horjeedaa Sumcaddii Somaliland Lahayd, Waxaana Xukuumadda Ku Waajib Ah….” Guddoomiye Cirro
Hargeysa (OWN)- Guddoomiyaha golaha wakiilada ahna guddoomiyaha xisbiga WADDANI Cabdiraxmaan Maxamed Cabdilaahi (Cirro) ayaa ku tilmaamay baaqii ka soo yeedhay dawladda Ingiriiska mid meel ka dhac ku ah nabadda iyo amniga ka jira Somaliland.
“ 20 kii sanno ee u dambeeyey Somaliland waxay lahady hal sumad oo ah nabad iyo xasilooni , markaa warkaasi waxaan odhan karaa waxa uu ka soo horkeedaa sumadii ay Somaliland lahayd , manuu ahayn war-farxadeed” ayuu yidhi guddoomiye cirro.
Guddoomiyaha oo maanta qaar ka tirsan warbaahinta dalka kula hadlaayey xafiiskiisa ayaa sheegay in dawladda Ingiriisku u muuqato mid cabsi ka qabta wax soo socda madaama aanay jirin buu yidhi wax amni darro ah oo haatan ka jira Somaliland waxaana ka mid aha hadalka guddoomiyaha “ Waxaad moodaa in dawladda Ingiriisku ka cabsi qabto wax soo socda taasi oo aanay cid ogaan Karin Ilaahay mooyaane , wax soo socdana in la ogaadaa way adagtahay , waayo dee waxay ka dhacday maraykan oo la qarxiyey , Ingiriiska oo la sheegay in uu yahay dalka ugu Kamaradaha badan leh in uu yahay , madaama aanay jirin wax amni darro ah oo aynu dalka gudihiisa ku ognahay “.
Waxa kale oo uu sheegay in ay xukuumadda ku waajibtahay ka warbixinta xaaladda amniga si loogu kalsoonaado amniga Somaliland waxaaanu yidhi “ Waajibku waxa uu saaranyahay xukuumadda in ay xog rasmi ah ka siiso xaalada amniga mujtamaca caalamka, si loo soo celiyo kalsoonida caalamka ayna u dhicin sidan oo kale oo ah in ay dawlad saaxiib ahi ay tidhaahdo waxaanu shaki ka qabnaa amnigiina”.
Guddoomiyuhu waxa kale oo uu xusay in ay in loobaa hay in dalka Igiriiskuna si cad u soo bandhigo shakiga dhanka amniga ah ee uu sheegay in ay ka jirto Somaliland.
Cumar Cali Xasan (Cumar Seerbiya)
Oodweynenews.com,Hargeysa Office
