Wasiirka Qorsheynta Qaranka Oo Golaha Wakiilada Uga Xog-bixiyey Qorshe Lagu Tirakoobayo Dadka
Hargeysa (OWN)- Wasiirka qorsheynta qaranka Dr Sacad Cali Shire ayaa maanta golaha wakiilada hortagay si uu faah-faahin uga bixiyey qorshe ay wasaaraddu dhawaan bildawday oo ay doonayso in ay ku diiwaan-geliso dadka ku dhaqan Somaliland oo loo yaqaano (Statistic law).
Ugu horayna wasiirka oo sharaxaadka bixinaaya qorshahan ayaa waxa uu yidhi” Ujeedad sharcigan looga jeedaa waxa weeyey in uu inoo fududeeyo xogta aynu uga baahanahay dadkeena ee dhaqaale iyo tirabada , tusaale ahaan haddii aanu u baahanahay in aanu dhisano dugsiyo caruurta yar-yar waxaa loo baahan yahay in aan ogaano caruurta tiradooda u baahantahay dugsiyada “.
Wasiirka qorsheynta qaranka Dr Sacad Cali Shire waxa uu sheegay in ay sharcigan ay wasaaraddu waddo uu muhiim u yahay dhanka dhaqaalaha si loo ogaado dhaqaalaha kala duwan ee soo gala dalka waxanu yidhi isaga oo arrinkaasi ka hadlay “ Si Dhaqaalihii aanu u gacan galino waxaanu u baahanahay in aanu ogaano geesta uu ka koraayo haddii ay noqoto dhanka warshadaha iyo dhinacyada kale waxaanu loo baahan yahay in la ogaado xog sugan oo ku saabsan arrinkaasi”.
Wasiirka qorsheynta qaranku waxa uu sheegay in aanu sharcigani ahayn mid cid gaar ah ama wasaaradda qorsheynta ku waajibinaya in ay xogtan ama dadku uu ku waajibinayo in ay xogta bixi yaan.
balse ay muhiim u tahay fududaynta iyo horumarinta qorshaha dalka.
Wasiirku waxa uu sheegay in sharcigan tirakoobku ka kooban yahay shan qaybood oo kale ah:-
1 waa waxyaabaha iyo waajibaadka looga baahan yahay wasaaradda qorshenta qaranka.
2 waa in la ilaaliyo xogtii la soo ururiyey oo ah shaqo laga doonayo wasaaradda qorsheynta.
3 xogaha loo baahan yahay in la soo ururiyo taasi oo ka badnaankara inta ay haatan wasaaraddu u diyaarisay hadda sida xogaha khuseeya dadka , dhaqaalah iyo adeegyada.
4 in la bixiyo xogta cidda looga baahan yahay iyada oo aanay jirin wax dadka ku khasbaya in ay dadku xog bixiyaan.
5 in la helo guddi la tali ah .
Markii uu wasiirkku dhameeyey xogtii uu ka horjeediyey golaha oo uu guddoominayey guddoomiye ku-xigeenka 1aad Baashe Maxamed Faarax ayaa waxa mudanayaasha weydiiyeen su’aalo kooban uu la tacaluqa xogtan uu wasiirku siiyey golaha , taasi oo uu wasiirkuna jawaabo ka siiyey mudanayaasha su’aalahaasi ay weydiiyeen.
Cumar Cali Xasan (Cumar Seerbiya)
Oodweynenews.com,Hargeysa Office
