Abwaanka Faarax Murtiile Oo Mar Labaad Ku Guuleystay Barnaamujka Heesaha Ee Top-ten-ka
London(OWN)- Barnaamujkasi oo arbaca walba 10:00 fiidnimo waa uk time ka soo gala telefishanka royal tv, taasoo ay khadka telefonada ay taagerayaashu ugu codeynayeen iyagoo si toosa qof kastaa ugu codeeyey fanaanka uu doonayey taasoo caalamka oo dhan laga soo codeeyey , hadaba codeyntii shacabka waxaa ku guuleystay abwaanka, fanaanka, laxamiistaha isla markaana qoraaga ah faarax cawil jamac ( FAARAX MURTIILE) oo aad uga sareeyey fanaaniintii kale ee la tartameysay oo ay ka mid ahaayen ilaa kaalinta shanaad .
1- faarax murtiile
2- bakar yare iyo cabdi nadif
3- cisman amiita
4- shamso foot iyo cabdi
5- deeqa holland iyo faysal xawaase
hadaba faarax murtiile oo ay wareysi la yeelatey weriyada caanka ah ee amina dhufeys oo daadihisa barnaamujka topten maalintii arbacada 13-02-2013 kuna gudoonsiisey koobkii iyo abaal marintii uu muteystay abwaanku ayuu ugu mahad celiyey dhamaan taageerayaashiisa meel kasta oo ay aduunka ka joogaan, isagoo weliba si toosa royal tv uga sii daayey maanso cusub oo uu u tiriyey dalkan ingiriiska isagoo ka duulayey dawaan markii wasiirka arimaha dibeda ee dalkan ingiriisku ku sheegay in somaliland ku soo socdaan khataro amaan darro ah iyo qaraxyo sidaa darteedna muwaadiniinta ingiriisku ay ka baxaan , warbixintaa been abuurka ah ee uu warbaahinta gaadhsiiyey wasiirka arimaha dibeda ee dalka ingiriiska , hadaba abwaan faarax murtiile isagoo taa gabay kaga jawaabey wuxuu yidhi .
Bismilaahi eebaan ku bilaabayaayoo
wuxuu gabayga ii baray
xumaa inaan ka beydhshoo
ku baahshaa wanaagee
bismilaahi eebaan ku bilaabayaayoo
wuxuu gabayga ii baray
beenta inaan ka dhowroo
runta aan ku beegsado
bismilaahi eebaan ku bilaabayaayoo
wuxuu gabayga ii baray
cilmi inaan ku beeroo
ku bacraa aqoontee
waxaan biritan leeyahay
beledkaygu waa nabad
bulshadiyo dalkaygana
boqorkii na uumaa
nabad buuxda siiyee
maxaa noo bajineysaan
waxaan biritan leeyahay
anagoon belaayiyo
baas iyo colaad qabin
warka been abuurka ah
maxaw baahineysaan
waxaan biriton leeyahay
william hague badheedhaha
baaqiyo warkiisuu biibisada u direy
malaa tuura buuriyo basra iyo
ciraaq iyo banquusuu u jeedoo
afkiibaa ka boobee ka baxaydu
may aheyn beledkiyo dalkaygee
ha beeneeyo maantoo ha ka
bixiyo xaal dhaba.
ka daawo barnaamujka topten iyo weriye amina dhufeys habeen walba oo arbaca ah 10:00 fiidnimo uk time royal tv.
