Shir-weynihii Beesha Isaxaaq Carre Oo Maalintii Afraad Ka Socda Degmada Cadaadley+Dareenada Ku Xeeran
Cadaadley(OWN)-Shir-weyne balaadhan oo ay iskugu yimaadeen dhamaan Haldoorka Dhaqanka ,Siyaasada,Dhalinyarada iyo Aqoonyahanka Beesha Isaxaaq Carre oo 05 March 2019 si rasmiya uga furmay xarunta degmada Cadaadley ee bariga magaalada Hargeysa ayaa maalintiisii afraad galay.
Shir-weynahan oo todobaadyadii ugu danbeeyeyba qaban-qaabadiisa si weyn looga dareemaayey caasimada Hargeysa, ayaa ay gondaha isku galiyeen Madax-dhaqameedka,Siyaasiyiinta,Aqoonyahanka,Wax-garadka iyo Haldoorka Beeshaasi Isaxaaq Carre oo kamida beelaha deegaanka caasimada Hargeysa ee miisaanka leh.
Shirkan oo kusoo beegmay xili xaasaasi ah ayaa maalmihii ugu danbeeyey aad loogu hadal hayey goobaha bulshadu isagu timaado ee caasimada Hargeysa, iyadoo isla markaasina uu dareeno kala duwan galiyey Xukuumada iyo Xisbiyada Qarankaba.
Shirkan oo la filaayo inay kasoo bixi karaan qodobo saamayn weyn ku yeesha guud ahaan siyaasada dalka, ayaa waxa laga dhur-sugayaa waxyaabaha kasoo baxa gaba-gabadiisa oo ku beegan 10 march 2019
Daawo Sawirada
