Oodweynenews.com

Xisbiga UCID Oo Xaflad Soo Dhaweyn Ah U Sameeyey Musharax U Taagan Golaha Deegaanka Hargeysa

kulan — Thu, 17 May 2012 12:08:34 +0000

Hargaysa (OWN)- xisbiga mucaaridka ah ee UCID ayaa maanta xaflad soo dhaweyn ah u qabtay musharax u taagan golaha deegaanka Hargeysa taas oo maanta xaflad loogu sameeyey magaalada Hargeysa .

Munaasabaddan loogu soo dhaweynaayey musharax Cabdinaasir Maxamed Dacar oo ah musharaxa cusub ,u gu horeyn waxaa halkaa hadalo dardaaran uga jeediyaya musharaxa golaha deegaan chief caaqil Xasan Badmaax oo halkaa kasoo jeediyey hadalo duco iyo dardaaran iskugu jira kuna booriyaya inuu dulqaad iyo daacad nimo yeesho waxaa kale oo uu ka hadalay xaga arimaha dwalada hoose ee hargaysa waxaanu yidhi”waxaa dawlada hoose ka socota waad aragtaan xagaa waynu ka dhimanay “

Waxaa kale oo xafladaa soo dhaywenta musharaxa golaha deegaan ka ee xisbiga UCID ka hadlay xoghaya arimaha gudaha ee xisbiga xuseen xasan badmaax waxaana hadaladiisii ka mid ahaa”aadbaanu soo dhawaynaynaa musharaxa golaha deegaan waa kii usoo horeeyay hadii aanu nahay xisbiga ucid waxaanu idiin sheegaynaa in xisbigu u furanyay xidkasta oo doonaysa inay iska soo sharaxado waxaan aad u cambaaraynayaa falkii foosha xumaa ee dhexmaray ciidan ka qaran ka iyo dadkii hubaysnaa maanta waa ayaan daro in madaxwaynuhuu u adeegsado shacabka hub ”ayuu yidhi xuseen xasan .

Xafladdan oo dad koobani ka hadleen ayaa waxa ugu dambayntii hadal ka soo jeediyey Engineer Cabdinaasir Maxamed Dacar oo ah musharax ayaa hadal kooaban oo uu ka soo jeediyey waxa uu ku sheegay in haddii uu ku guulaysto doorashada golaha deegaanka uu wax badan ka qaban doona dhinacyada arrimaha bulshada isaga oo ka codsaday in dadakii goobta iskugu yimina ay ku caawiyaan in ay soo doortaan .

Cumar Cali Xasan (Cumar Seerbiya)

Omarsebria1@hotmail.com

Oodweynews.com/Hargeysa Office

TACSI Commissioner Abdifatah Ibrahim Sh oo aabihii xalay ku geeriyooday magaalada Hargeisa.

amuur — Thu, 17 May 2012 11:57:59 +0000

INAA LILAAH WA INAA ILEYHI RAAJICUUN

Aniga iyo qoyskayguba waxaanu tacsi tiiraanyo leh u diraynaa Commissioner Abdifatah Ibrahim Sh oo aabihii xalay ku geeriyooday magaalada Hargeisa. Waxaanu marxuunka Illaahay uga baryaynaa inuu dambigiisa dhaafo, Janadii Fardawsana ka waraabiyo, qaraabadii iyo eheladiina Samir iyo iimaan ka siiyo. Amiin

Eng. Abdillahi Hassan Amay

Xubin Gudida Fulinta – Wadani

Qurbajooga Bariga Hargeisa Oo Shir Isugu Yimi Maanta Dawladana Canaan Usoo Jeediyey

amuur — Thu, 17 May 2012 11:54:55 +0000

Qurbo joogta beesha Bariga Hargeisa ee ku nool
wadanka Sweden Oo Maanta Shir iskugu yimid ayaa
waxay ka soo saareen goaamo muhiim ah.in ay
qaranimada iyo jiritaanka soomaaliland yahay muqadis
iyo lama taabtaan nabadana laga wada shaqeeyo

Beeshu waxay ka xuntahay Dhacdadii foosha xumayd ee
ka dhacay beriga magaalada ee xaafada New Hargeisa

Ee dawladu dadkeedii soo doortay ee Civilka ah aa ee
ay masuulka ka ahayd u adeegsatay Kaarayaasha iyo
beebeega Pmka hubka

noocyadiisa kala duwan ee lagu difaaci lahaa
xudaada wadanka ee furan Oo imika noqotay meel

qarinamada Somaliland laga soo duulo ama lagu qabto
shirar lagu wiiqaayo jiritaanka qaranimada
Somaliland.

Qurbojoogtani waxay Tacsi tiiraanyo leh u dirayaan
ehaladii iyo asxaabtii ay ka geeriyoodeen Askartii

dhimatay ee dadkooda loo adeegsaday iyo dadkii
rayidka ahaa ee ay dawladu sida arxandarida ah u
xasuuqday shalay .

Ragan shiraayay ayaa waxay aad uga cadhoodeen hadalka
soo yeedhay niman wasiiro ah iyo generalka ciidanka

qaranka iyo generalka ciidanka poliska oo beesha ku
ee deeyay in ay ciidan beeleed ay leeyihiin dawlada
ku soo

duuleen waxanay dawlada uga baaqeen in ay hadalkaas
xaal ka bixiso waxay si cad u sheegeen in ay beeshani

tahay beeshii nabada Somaliland ku naaloonayso ay
xoog iyo xoolaba u soo hurtay ilaa halgankii dalka
lagu qabtay ila nabadayntii somaliland oo laga ogaa
doorkay ka ciyaartay nabadaynta
somaliland hore iyo imikaba ee aanay istaahilin in
lagu sheego ciidanbeeleedyo ama rebshad wadayaal waxa
kale oo ay hoosta ka xariiqeeen in mujaahidkana
beerta lagu haysataa iyo caruurtiisa iyo ehelkiisa
uun ku koobantahay cida ciidanka qaranka la dagaal
gashay ama dhacdadani laakiinse aanu ahayn beeshoo
dhan
waxay u soo jeediyeen masuuliyantan hadashay in ay ka
fiirsadaan wixi qaranimada wax u dhimaaya
hadaladoodana u fiirsadan waxa kale oo ay u soo
jeediyeen mujaahidka beerta lagu haysto inaanu ka
tanaasulin xaqiisa laakiinse uu ku doonto dariiq
sharciga waafaqsan oo aan ahayn gacan ka hadal.

weriye Xidig Cabdi Yare.

Norrköping sweden.

Isbedelka Horumar ee Ku Yimi Dekada Berbera. Faallo: Guuleed Iiman Maxamed.

amuur — Thu, 17 May 2012 11:37:01 +0000

Dekada Berbera oo ah Halbawalaha Dhaqaalaha Dalka Somaoiland, isla markaana ay wax kal soo degaan Dalal badan oo geeska Afrika ah, Sida Itoobiya Somaliya, Kenyo iyo waliba Konfurta Sudan o iminaka iyana Xidhiidhkeeda la sugayo, iyo meela kale oo ka mda mandaqada Geeska, soona martay marxaldo badan iyo maamulo kal duwan, waxa ay mudooyinkii uu joogay mareeyahii hore ee Axmed Yusuf Dirir, ay u ekayd mid socodka ganacsatada wax kala soo degaysaa uu yaraaday, isla markaana uu u wareegay dhinaca Dalka Jabuuti, ayaa waxaad mudooyinkii u danbeeyay uu Xilka hayey Maareeya Eng, Cali Cumar Maxamed (cali xoor xoor), uu kor u kacay dhaq dhaqaaqa badeecada ka soo dega Dekada Berbera,sida bagaashka oo kale oo mudadii uu mareeyahii hore joogay u wareegay Jabuuti iminka dib ugu soo noqday Dekada,taas oo aad odhan karto waxa sabab u ah, Mareeraha iminka jooga ee Cali Xoor Xoor, oo isagu u leh waayo aragnimadiisa isla markaana ah shakhsi isku daya inuu raali galiyo Ganacsatada kana dhagaysta cabashodooda si uu wax uga qabto, taasina waxay u suura galisay Dekadu in ay noqotay, mid shaqo farabadani ka socoto, maadama oo adeega maamulka dekadu ku xidhanyahay Dhaqalaaha dalka.

Waxyaabaha kale ee uu mareeyaha Dekadu wax ka qabtay waxa ka mid ah, Cabashada Shaqalaaha taas oo uu kor ugu qaaday Mushaharkii %50, taas oo iyana keentay dhiiri galin dhinaca shaqlaaha dekada ah, oo iyaguna laban laabay shaqadoodii, arimaha kale ee lagu farxay korna u qaaday Hamiga shaqalaaha waxa ka mid ah,inuu Agaasimayaasha Dekadu markii u horaysay ku daray dhalin yaro mudo dheer ka soo shaqaynaysay dekada, taas oo iyana dhiiri galin fiican siinaysa dhamaan shaqaale weynaha dekada.

Guntii iyo Gababgabadii Shaqada iyo Shaqlaahahuba waxay u baahnaayeen, Maakul hufan oo aqoon iyo waayo aragnimo u leh shaqada iyo shaqalaaha.

Guuleed Iiman Maxamed.

Xubim ka mida shaqalaaha Dekada Berbera.

XUS OO XUSUUNAW 18 MAY, By: Farxaan Maxammed Jaamac (Dawlad)

amuur — Thu, 17 May 2012 11:16:35 +0000

Waxa Salaan mahadnaq iyo hambalyba mudan shacabka Somaliland garaar ahaan mujaahidiinta iyo ciidanka qaranka oo hadh iyo habeenba u heelan difaacida danta maatida ee duudaha iyo dhaxanta iyo kulaylkaba ugujira oo ciidankiinan hada iyo kuwii idinka horeeyey u usoo shahiidayba ay ku faanayaan qadiyada ,jiritaanka iyo madaxbanaanida Jamhuuriyada Somaliland kadib ilduufkii lixdamaadkii ee aynu cadaawaha ul cararnay ee allaha daa’imka ahi ina bixiyey inkastoo aynaan si dhib yar ayaan ula soo noqon maandeeqdeeni Somaliland.

Waxa maanka dadka Somaliland ka guuxaya oo aan la ilaawi Karin geesi yaashii inagaga shahiiday siyaabaha kala duwan ee qaar la dooxay qaarna la bireeyey halka qaarna dabcas iyo rasaas lagu jiiday,culamadii iyo aqoonyahankii oo siyaabo kaladuwan loo xasuuqay waxa iyana meesha ka madhnayn in madi hooyo dihatay horteeda lagu toogtay hablaheedina horteeda lagu fuulay iydana haraati iyo hantaaqo aanay kababasoo waaqsanayn ugu jawaabeen waxa hooyadaa wali dhagaheedu ay maqlayaan dhawaaqadi iyo hadladii ay ku qaylinayeen caruutii ay ifka ugu jeclayd taas oo ay isku ilawsiiso wadankeedii oo ay manta joogto oo anay cidna waxba odhanyn oo farxda iyo horumarka sida diinka usoconaya ay arkaysaa ay iyada wax wayn nafteeda kabadalay iyo nidaamka iyo hanaankan dawladeed ka hanaqaaday ga yigeenan Somaliland.

Dadaal dheer kadib wax aynu manta hadhsanaynaa midhihii halkankii qadhaadhaa ee aynu soo marnay oo waliba manta ragii halgankaa hormuud ka ahaa ay manta wadanka hormood kayihiin waxa aan waliku jirnaa halgankii waad ogtihiin raga wali dabada in haysta ee aan jeclayn inay hor usocono ,markaa waxa laynooga baahanyahay dawlad iyo shacaba inaynu isku duubnaano oo ul iyo diirkeed oomida noqono oo waliba kal danbeeya oo dunida isugu jecel oo waxa inoo dheexaya ee aynu ku heshiinay isku maamilno oo ah Distoorka Qanranka Jamhuuriyada Somaliland,taas ayeynu wax walba inoo soo waajaha ka ga badbaadaynaa hadaynoqoto faragalin shisheeyo ama cadawgeena waayo waynu lawada socona waxa hareeraheena iyo geeska africba ka socda.

Waxaan ku soo ururinayaa waxa sanadkasta aynu xusnaa oo xasuusanaa waxii inaga soo maray midawgii Somalia taas oo ina dhan-dhan siisay dacarqadhaadh oo dabcasi inaga maryo hadii lasoo hadlqaadaba taas oo burbur dhinacwalba ah inoo gaysatay mid Nafeed , Ciidan , Dhaqaale iyo mid siyaasadeeba ka sookaba shadeedina wakhti badan inga qaadatay ila hadana ay socoto .

Waatay nabada diideen sidii dhul shisheeye ah

Waatay dagaal soo kacsheen ciidankuu diraye

Sidii Aar-dabooloo habeen duunyo mirinaaya

Waatay duquuyeen guryha qaar lasii diaye

Waatay dhalaankii didsheen diririgtoodiiye(Cabdi Muxummed Ammiin,,,,IHN-tee)

Alla-Mahadleh

Farxaan Maxammed Jaamac (Dawlad)

E-mail:farxaan776@hotmail.com

Tell:+2522 4441131

—————————————————–

Afeef: Aragtida maqaalku waa mid u gaar ah qoraaga, anaguna hadaanu Oodweynenews nahay waxaanu leenahay Magacaagu yuu noqon mid xumaan ka marag kaca, haka talin masiibiyo wax makhluuqa kalla dilla

Siyaasiga Cali Waran –Cadde Oo Ka Hadlay Kooxo Salaasadii Ay Iska Horyimaadeen Ciidamada Dowlada Beriga Hargeysa Oo lagu Xukumay Dil Iyo Xabsi Daa’in

kulan — Thu, 17 May 2012 11:06:10 +0000

Hargeysa (OWN)-“ waxaan in badan isku dayey in aan nabad ku dhammayno sida ku wii horeba aan nabad ugu dhammayno , in ciiddanka meesha la soo dejiyana aniga laftaydu qaby ayaan ka ahaa, laakiin dhibaatadu waxay ka dhacday isfaham la’aan dadka dhulka ku dacwiyaya iyo xukuumadda ah “ ayuu yidhi Cali Maxamed oo maanta shirjaraa’id ku qabtay magaalada Hargeysa .

Cali Waran Cadde maruu ka hadlayey xukunka ay xukuumaddu ku riday dadkii laga qabtay kooxdii weerarka ku soo qaaday xerada ciidanka waxa uu yidhi “ xukunka lagu riday dadkan waxaan u arkaa mid lagu deg-degay waxay ahayd in laga fiirsado “ , waxa uu sidaas ku yidhi Cali Waran cadde maruu maanta ka hadlayey shirjaraa’id oo uu ku qabtay hotelka Safari waxa uu sheegay in khilaakan dhulka ahi uu taagnaa muddo badan taas oo uu isgau ku dhexjiray 3 sanno ah taas oo ku guuldaraystay in uu dajiyo xukuumaddaan uu hore ugu soo jeediyey .

Cali Warancadde oo wax laga weydiiyey waxay keeni karto haddii dilkan sidiisa lagu fuliyey waxa uu yidhi “ horta ma jirto in cid dil lagu fuliyo oo horeba waxaynu ogayn dad dil lagu xukumay mayanynaan maqal cid badhka lagaynayo markaa maaha wax jira ee waa male awaal xukuna wax cusub maaha horena way u dhicijirtay ” .

Waxa kale oo uu sheegay Cali Warancadde in ay kooxadani la soo hadashay ka hor intayna weerar ku qaadin “ aniga qoladaydu way ila soo hadashay waxayna ii sheegeen in ay meeshii dagayaan markii ay maqleen ciidankana way soo weerareen waxayna u haysteen in aan u soo raacay xukuumadda”

Cali warancade waxa uu ku baaqay in amniga dalka iyo xasiloonida la ilaaliyo .

Cumar Cali Xasan (Cumar Seerbiya)

Omarserbai1@hotmail.com

Oodweynenews.com/Hargeysa Office

Mas,uuliyiinta Xisbiga UCID & Taageerayaashooda oo Tacsi u Diraya C/fataax Ibraahin Sh oo Aabi Geeriyood

amuur — Thu, 17 May 2012 10:50:30 +0000

JAMHUURIYADDA SOMALILAND

REPUBLIC OF SOMALILAND

Xisbiga Cadaaladda Iyo Daryeelka

UCID

Justice and Welfare Party

حزب العداله والرأفة

Date: 14/05/2012

Ujeedo: Tacsi

Gudoomiyaha Xisbiga Caddaalada iyo Daryeelka UCID, Gudoomiye Ku Xigeenka 1aad ee Xisbiga, Guddida Fulinta, Xubnaha G/Dhexe, G/Haweenka, G/Dhalinyarada iyo dhamaan Taageerayaasha Xisbiga UCID waxay tacsi u dirayaan Xubinta KMQ ee Xisbiga C/fataax Ibraahin Sh oo ay ka tacsiyaynayaan, geerida ku timi Aabihii marxuum Ibraahim Sh oo habeenkii xalay ku geeriyooday Magaaladan Hargeisa

Waxaanu Eebo uga baryaynaa inuu Marxuumka ja’nadii fardowsa ka waraabiyo dhamaan ummada reer Somalanadna samir iyo iimaan saadiqa ka siiyo, gaar ahaan Qoyskii, Ehliyadii Qaraabadii uu ka baxay marxuumku.

Aamiin Aamiin Aamiin

Ku Simaha Gudoomiyaha Xisbiga UCID

Ahna Gudoomiye Xigeenka 1aad ee Xisbiga

Md, Aadam Jaamac Hoorri

JAALIYADDA SOMALILAND EE KOONFUR AFRIKA OO SOO DHAWEYEY WASIIRKII HORE EE ARIMAHA DIBADA SOMALILAND

amuur — Thu, 17 May 2012 09:54:52 +0000

JOHANNESBURG(OWN)- Waxa shalay lagu soo dhaweyey airport ka caalamiga ah ee OR tambo ee magaalada Johannesburg wasiirkii hore ee arimaha dibada Somaliland MR ABDILAHI MOHAMED DUALEH. Isagoo ka soo kicitimay koonfurta sudaan si uu uga qayb galo xafladda 18 MAY EE KA dhici doonta maalinta sabtida ee 19 may magaalada Johannesburg.iyadoo ay ka soo qayb gali doonaan kana hadli doonaan PROFESSORS WAX ka dhiga jaamacadaha wadankan iyo madax ka kala socota jaaliyadaha iyo wasaarada arimaha dibada koonfur afrika taaso ay tahay markii ugu horeysay ee lagu casuumo madax kala duwan lagana doodo maxaa Somaliland loo aqoonsan wayay.

Sidoo kale xaflada waxa ka soo qayb galayaa warbaahinta koonfur afrika oo dhan.

Gudoomiyaha jaaliyadda Somaliland ee koonfur afrika

Maxamud jama

South Africa

alaah swt dawladeena ha garansiiyo xaqa diinta,dadka iyo dalku ay ku leeyihiin intaaney dil ku kicin, By: Cabdiqani Diiriye

amuur — Thu, 17 May 2012 05:16:38 +0000

aslaamu calaykum waraxmatulaahi wabarakaatuhu

alaah swt ayaa mahad oo dhan iska leh,nabadgelyo iyo naxariisi nebigeenii muxamed ahaa scw korkiisa ha ahaato,
nebigeenu scw wuxuu yidhi hadalka waxaa ugu kheyr badan kiisa yar ee la.a fahmi og yahay,
waxaa wadankeena shalay ka dhacay dhiilo waxyeelo ugu filan somaliland iyo inta calankeeda tawxiidku ku xardhan yahay hadhsata.

oo islaam iyo gaal leh waxay naxdin iyo anfariir,iyo uurkutaaliyo weji gabax ku noqotay malaayiin mim malaayiin mashriq iyo maqrib
ku nool oo aan ka mid ahay waase wax qoraa,maxay wax ku dhacen lama yidhaahdee sidee lagu xaliyaa ayaa ka wanaagsan,
horta nimankan falkan geystey waa denbiilayaal dhiig ciidankoodii alaah swt ka sokow difaaci lahaa daadiyey xaqdarana ku daadiyey.

ninkii difaacaana waa denbiile la.a mida hadaanu macduur aheeyn oo aanu jaahil aheeyn,
dawladuna waxaa aad u wanagsan ineey u rag badsato weliba culuma,cuqaasha iyo intii caqli leh ee ay haaban karto,maaha dil baan go.aamiyey wax saacado kooban ku siman waxaa wanaagsan ineeynuhareeraha eegno,oo wax badan aynu arimahan oo kale ka baaraan degno.

in la.a dilaa waa xaq,laakiin diintaa qabta hadeey ka imaanaso wax ka weyn sida dagaal lagu hoobto alaah swt inakuma keeno.e
in waxkale looga wareego,ta ugu danbeysa ee aan afsaarta uga dhigayaa waxaa dadkaygoow hadaan waxba nooga imananeeyn ,

nimankaa qarannimadeenii ku soo duuley,wax ala wixii lagu edbi,n lahaa hala yeelo,ee askartii alaah swt uu siiyey dhaqanka haboo
ee africa ka tilmaanaa sahal ku dil waa midaan suuroobeyn,sidaa hadeey noqoto xaajadu arin aan la.a rog rogin ragbaan heline
aan culumadeena waaweyn u bandhigno waxy ka yidhaahdaan ileeyn ma.a banaana maxakamad ciidan ayaan ku saaray dilna waad tahay.

waxaan alaah swt ka baryayaa in ay ku qancaan dil hadeey noqoto ehaladooda hubka boobasa ee dhaaranasa waayo?dawladiinu gefto miyeynu ka daba dabownaa inagoo gacanta horee wax dishey leh
asalaamu calaykum waraxmatulaahi wabarakaatuhu.

Cabdiqani Diiriye

cabdulqani5@hotmail.com

—————————————————–

Afeef: Aragtida maqaalku waa mid u gaar ah qoraaga, anaguna hadaanu Oodweynenews nahay waxaanu leenahay Magacaagu yuu noqon mid xumaan ka marag kaca, haka talin masiibiyo wax makhluuqa kalla dilla

Allow sahal amuuraha adaa noo aqoonle‏, By: Mustafe C/lahi Cumar Leedo

amuur — Thu, 17 May 2012 04:17:42 +0000

Run ahaanti faalo malaha waxa Hargaysa ka dhacay, waa kugu dhimay oo kaa dhimay kii dhintaba waa ani. Waxaan aad uga xumahay sida foosha xun ee wax u dhaceen, intii dhimatay illahay ha u naxariisto, inta dhawaca ahna illahay haw sahlo, intii laga dhintayna samir iyo imaan iyo cawil khayr qaba ayaan illahay uga baryaa.

Sida aynu wada ogsoonahay muranka dhulku waa afooyinka ugu weyn ee Somaliland ka jiray intii ay jirtay ilaa iyo maanta. Hasa yeeshee awal waxaa la arki jiray dad shicib ah oo dhul isku haysta oo dawladuna aad ugu dhibaatoon jirtay kala saaristooda laakin baryahan danbe waxaa caado noqotay wadlada lafteedi oo dad dhul ku haysta, dhiiladan ugu danbaysayna waaba afkala qaad iyo amankaag aan la filayn. Arinkan dhaliishiisha looma sina oo dawlada ayaa u badheedhay in sidan wax u dhacaan.

Waxaa khalad ah dhul laysku haysto in la bixiyo oo cid kale lasiiyo cidii sheeganaysay na gar iyo garawshiiyo la marin waayo. Waxaa layaab ah in military gii dalku dad shiciba iyo beero laysku haysto soo dhex galaan. Waxaa caqligu diidan yahay maydkii oo aan la duugin, dhawacii oo aan la dabiibin, dhiiladii oo aan la damin, in degdeg dil lays kaga xukumo dadkii shalay la soo xidhay. Beesha malayshiyada lagu sheegaya miyaanay ahayn beeshii beelaha Somaliland nabada ugu hor qaadatay ee iyadoo dagaalku socdo tolkeed ku gacan saydhay ee tidhi “kolayba hadhaw baa la heshiinaya marka laysku madhee anagu hadaanu nabad ku baqayna” ee ceasefire la saxeexatay madaxweyne Cigaal iyada oo tolkeed lagu qasaayo. Ma waxaynu wasiir Duur ka aqbalaa Isixaaqba maanta militia noqday, waa yaab!

Xukuumadan hada dalka ka talisa waxaad mooda inaanay lahayn maskaxdii dal lagu maamulilahaa. Wadanka England wuxuu dawlad yahay 10 qarni iyo ka badan hadana wali taanasul iyo sabalayn ayay dawladiisa gaamurtay wax ku maraysa oo bulshadeeda ku dhaqdaa. Xadiiqad lagu laydhsado (public park) oo layidhaahdo Dale farm oo ku taala magaalo Basildon layidhaado oo aan London ka fogayn ayaa waxaa si sharci daro ah iskaga dagay qolo Gypsy la yidhaahdo oo wali iyagu iska reer guura ah oo camp ka samaystay. Dagmadii (Basildon Council) ee xadiiqada lahayd iyo dadkii sharci darada iskaga dagay dacwadoodu waxay maxakamada ka socotay 10 sano in kabadan oo marba qolo appeal maxakamada ka qaadanaysay. Dadkan guri la,aani ma hayn oo meelay dagaan iyo wax walba waa loo ogolaa laakin dhaqan kooda oo sidan jecel ayaa maxkamada iyo cid waliba u tix galinaysay inaan xoog lagu maquunin. Mudo dheer ka dib council kii ayaa maxkamadii ku guulaystay oo waa laga raray dadkii laakin tani waxay ku tusinaysa (oo aan tusaale ugu soo qaatay) xaquuqda muwaadinka iyo dulqaadka dawlad wacani dadkeeda u leedahay. Inagana waad aragtaa sida wax u dhacayaan ee dawladeeni falayso.

Fariinta muwaadinimo ee aan halkan dawladayda ugu soo gudbinayaa waxay tahay waxii dhacayba dhace oo caqli xumo ayay ahayd inay sidan wax u dhacaan hase ahaate, waxaa layidhi caano qubtayba dabadood la qabaye dawladu xalka ha raadiso oo waa in arinka ay u hawl gashaa oo nabad ku soo dabaasha. Ma aha maanta maalintii beer yar ay darsin inagaga dhiman lahayd. Intii dhimatay lama soo noolayn karo laakin inta nool waa in la badbaadiyaa oo caqliga fayoobi taliyaa. Wasiir Duur waxaan odhan lahaa is muujisaye, camii hays biyo dhiijin dalkana haynaga waaline cagta u dhig – enough is enough -. Madaxweynahana waxaan xasuusin lahaa dal iyo dad isku duuban oo meel u wada jeeda lagugu wareejiyay – siday wax u socdaana si maahe, yaan Somaliland gacantaada ku burburin. Maalin walba dhiilo taagini wax lagaa filayay maaha awoow Axmed Maxamedoow. Digriga u qabo oo wanaaga ku soo dabaal.

Allaw sahal amuuraha adaa noo aqoonle!

Mustafe C/lahi Cumar Leedo

mustafe49@hotmail.com

—————————————————–

Afeef: Aragtida maqaalku waa mid u gaar ah qoraaga, anaguna hadaanu Oodweynenews nahay waxaanu leenahay Magacaagu yuu noqon mid xumaan ka marag kaca, haka talin masiibiyo wax makhluuqa kalla dilla